«Таным» психологиялық-медициналық клубы

«Таным» психологиялық-медициналық клубы

«Таным» психологиялық-медициналық клубы – жастарға жайлы жағдай жасау және  жастарды психология және медицина саласына тәрбиелеу, студенттердің бос уақытын ұйымдастыру, психологиялық денсаулығын қолдау және сақтау, үрейлі депрессивті күйлердің алдын алу мақсатында құрылған. Қазіргі заманауи қоғамда психолог мамандығы өте маңызды, себебі барлық жастағы студенттер үшін сауатты психологиялық көмек қажет. Студенттер қолдаудың басым бөлігін өз қатарластарынан алады. Себебі, олар етене жақын сөйлеседі, ойларын ашық жеткізеді. Клубқа қатысушы студенттер психологиялық үрдістерді дұрыс талдауға, күнделікті стресспен және өмірлік қиындықтармен күресуді, сондай-ақ алған білімін іс жүзінде қалай қолдану керектігін түсінеді.

Міндеттері:

- Клубтың басқа мүшелерімен белсенді түрде қарым-қатынасқа түсу арқылы студенттердің психологиялық, әлеуметтік және медициналық құзыреттіліктерін дамыту.

-  Ғылыми-практикалық психология саласындағы клуб мүшелерінің қызығушылығын тудыратын мәселелерді зерттеу және талқылау, сондай-ақ іс-шараларға қатыстырып танымдық белсенділіктерін дамыту.

-  Өз өмірі мен басқа адамдардың, өзіндік позитивті құндылық сезімдерін жеке тұлға ретінде қалыптастыру.

-  Қарым-қатынас дағдыларын қалыптастыру және өзін-өзі тәрбиелеу мақсатын дамыту, сонымен қатар эмоционалды сөйлеу мәдениеті мен тұлғааралық қақтығыстардың алдын алу және шешу.

-  Клуб мүшелерінің интеллектуалды және шығармашылық дамуына жәрдемдесу және өздерін жүзеге асыруға бағытталған тақырыптық кездесулер, семинарлар, пікірталастар ұйымдастыру. 

Университетіміздің  психологиялық қызмет көрсету орталығының психологы Бибінұр Исатайқызының жетекшілігімен  клуб жұмыс жасайды.

«Таным» психологиялық-медициналық клубының мүшелері

«Таным» психологиялық-медициналық клубының жылдық жоспары